You are here

Search form

Іздеу

Алматы: бүгін + 27 °C ертең + 24 °C

Басты бет » ақпарат

Құрамында қазақстандық азамат бар сириялық террористік топты Қырғызстанда ұстады

Қырғызстанның Ош облысында құрамында қазақстандық азамат бар лаңкестік топ ұсталды, деп хабарлады ҚырТАГ агенттігі.

«ҚР МҰҚК Қырғызстан тәуелсіздік күнін тойлау және Бішкекте ШЫҰ саммитін өткізу қарсаңында, 2013 жылғы тамыздың соңында Ош облысында Сириядан Қырғызстанға диверсиялық-террористік актілерді жасау мақсатында жіберілген «Ислам жиһадының одағы» (ИЖО) атты халықаралық лаңкестік топ (ХЛТ) мүшелерін анықтап, қолға түсірдік», - делінген ҚР МҰҚК қоғаммен байланыс бөлімінің дүйсенбі күні таратқан хабарында.

Хабарда айтылғандай, топ құрамына Сириядағы үкімет күштеріне қарсы күрескен лаңкестік құрылым құрамында әскери іс-қимылдарға қатысқан Қазақстан Республикасының азаматы, Ош облысының екі тұрғыны, Қырғызстан Республикасының екі азаматы бар.

ҚР МҰҚК тергеу органдарының ҚР ҚК «лаңкестік» және «заңсыз қару сатып алу, тасымалдау» т.б. мен «жалдану» баптары бойынша қозғалған қылмыстық істі тергеу барысында жоғарыдағы содырлар тобы шетелдік ХЛТ басшылары мен идеологтарынан Бішкек пен Ошта террористік актілер жасауға тапсырма алып келгендігі анықталды дейді.

Қазір ҚР МҰҚК органдары лаңкестікке қарсы бағытталған кешенді шараларды қарастырып жатыр.