Пакеттеуіш рольгангтер 4 страница

Рольганг бетімен қозғаоатын қалың табақ шығыңқылына бар түсірілетін таяныштың көтеруші қалқанымен 5 тоқтатылады. Осы шығыңқылық табақтың алдыңғы ұшының тіреуіші болып саналады. Сонымен қатар, табақ, индукциялы датчиктің түйіспесін тұйықтайды, бұл цилиндр 1 қуысының жоғарғы жағына ауа беретін электрмагнитті клапанды қосады. Осы кезде цилиндр соташығы 3 төмен қарай шұғыл түсіріліп табаққа таңба басады. Содан кейін ауа цилиндрдің 1 төменгі бөлігіне беріледі де соташық жоғары көтеріліп, таяныш қалқаны 5 төмен түсіріледі және осы кезде табақ рольгангпен қаттағышқа тасымалданады.

Қаңқада 9 басқару қалқаны мен оператор орындығы орнатылған. Таңбаларды ауыстыру үшін оператор пневматикалық цилиндр 8 және төрткілдештің тісті берілісі 7 көмегімен цилиндрді 1 сағат тілі бойынша100-1200 бұрышқа бұрады. Цилиндрдің осы қалпында оператор соташықтығы 3 таңба белгілерінің 4 жаңасын орнатып бекітеді.

Әдебиеттер:нег. 1 [190-196], 2 [285-302], 3 [216-227]; қос. 2 [170-189].

Бақылау сұрақтары:

1. Сортты және табақты металға арналған түзеткіш машиналардың құрылымдық ерекшеліктері.

2. Табақтүзеткіш машиналарды қандай топтарға бөлуге болады?

3. Табақтүзеткіш машиналардың негізгі параметрлері.

4. Роликті табақтүзеткіш машинаның роликтері қандай материалдан жасалуы тиіс?

5. Таңбалағыш машиналар сипаттамасы.

6. Илемдерді таңбалағыш машиналар құрылымының ерекшеліктері.

 

19-дәріс. Әртүрлі орнақтардың жұмыс қапастарының қысқаша сипаттамасы

Блюмингтер. Мысал ретінде блюминг 1500 (УЗТМ конструкциясы) орнағының жұмыс қапасын қарастырамыз. Жұмыс қапасы тақталы екі тұғырдан, жастықшалы пішінбіліктерден және мойынтіректерден, пішінбіліктерді орнату және теңдестіру құрылғыларынан тұрады.

Әрқайсысы 125 т тартатын құйма тұғырлар екі тақтаға орнатылған, арты екі көлденең қаңқаға тіреледі. Тақта мен қаңқаның ортаңғы бөлігі фундаментке сүйенеді. Әрбір тақта фундаментке сегіз бұрандамамен, ал маңдайшамен болат сыналар арқылы бекітілген. Тұғырдың табаны алынып –салынбалы, жинастыру кезінде бұрандаманың көмегімен тақтаға бекітіледі. Тақталар астыңғы және үстіңгі жағынын өзара тартпа бұрандамалармен бекітілген. Бұл бұрандамалар да ыстық кезінде тартылады.

Жұмыс пішінбіліктерінің диаметрі 1500 мм, бөшкенің ұзұндығы 3550 мм, қайраудан кейінгі бөшкекенің ең кіші диаметрі 1380 мм, пішінбіліктер хромникельді болаттан σв =800 МПа жасалады.

Пішінбіліктер тұтас баспақты табақты мойынтіректерде орнатылған, мойынша диаметрі мен ұзындығы 850 мм. Пішінбілік мойын құрама майлау үшін үздіксіз беріліп тұрған фильтрлі су мен сәт сайын берілетін қою май пайдаланылады.

Тұғыр терезесіне бағыттаушы тақтайша бекітіледі, сол арқылы жоғары біліп жастықшалары орын ауыстырады. Төменгі пішінбілік жастықшалары қозғалмайтындай болып бекітілген. Пішінбіліктерді қайтақайрудан өткізген соң тұрақты белгілеу кезінде илемдеу сызығын сақтау үшін олардың астына астар төселеді.

Үстіңгі пішінбілік жастықшаларынан осьтік күштерді қабылдап алу үшін әрбір тұғыр сыртына гидроцилиндрлер арқылы жылжытылатын ауыр тақтайшалар бекітіледі. Астыңғы пішінбілік жастықшаларының осьтік күшін бүйірлік тақтайшалар қабылдайды.

Астыңғы пішінбілікті ауыстырған кезде жастықшалы тақтайша орнынан қозғалады, сондықтан бұрандамаға арналған тесік сопақ болып жасалған. Үстіңгі және астыңғы жастықшалы пішінбіліктерінің комплекті ауысуы арнайы құрылығы көмегімен жүзеге асады. Бұған дейінгі блюмингтерге қарағанда бұл блюминг қапасының үстіңгі пішінбіліктері жастықшаларымен гидравликалық құрылғы көмегімен теңдестірледі.

 

Сурет 19.1 - Блюминг 1500 жұмыс қапасы

Диаметрі 560 мм, адымы 32х2=64 (бұранданың бұрамалық көтерілу сызығының бұрышы α=2006") басқыш бұрамалар әрқайсысының қуаттылығы 640 кВт (750/1600 айн/мин, ПВ=100%) вертикальды фланецті тұрақты ток электрқозғалтқышымен цилиндрлі тістегеріш арқылы жетектеледі. Фланецті электрқозғалтқыштарды суытуға арналған ауа ауаөткізгіштер жұмыс қапастарының үстіндегі алаңдар мен баспалдақтарға орнатылған металл конструкцияларда орнатылады.

Жұмыс қапасының екі жанынан қуаттылығы 135 кВт-қа тең тұрақты токты электрқозғалтқышпен жабдықталған дара жетекті тұғырлы роликтер орнатылған.

Жұмыс қапасының жалпы массасы (алаңша мен баспалдақ металлконструкциясын есептемегенде) 900 тоннаны құрайды.

Орағышы бар суықтай илемдейтін реверсті қапас. Ені 1500 мм және қалыңдығы 0,5 мм жұқа табақты илемдеуге арналған, 500/1400х1700 орағышы бар суықтай илемдейтін реверсті қапастың ерекшелігін қарастырамыз.

жұмыстық қапас әрқайсының массасы 98т, қатаңдығы жағары екі болат құйма тұғырдан; жастығы бар пішінбіліктерден, жоғарғы пішінбіліктерді гидравликалық теңдестіргішпен, басқыш механизмнен, жайпақ өткізгіш үстелден, орағыш атанағының консольды білігінің бұрушы тіреуішшіпен және басқыш құрылғы алаңынан тұрады.

Тұғырлар тақтайға орнатылып өзара маңдайшамен жалғастырылған. Жұмыс пішінбіліктері төртқатарлы конусты мойынтіректерде (260/400х255 мм) айналады. Осы орнақтағы жастықтар аралығындағы гидравликалық цилиндрлер (диаметрі 120 мм, қысым 10МПа) жоғарғы пішінбілікті теңдестіру үшін ғана есептелмеген, сонымен бірге жоғарғы жұмыс және тіреу пішінбіліктерінің мойынтіректердегі саңылауды таңдау үшін де есептелген. Тіреу пішінбіліктері диаметрі 900 мм суйық үйкелесті мойынтіректерге (СҮМ-900) қондырылған.

 

Сурет 19.2 - Орағышы бар 500/1400х1700 суықтай илемдеу реверсті қапасының сұлбасы

 

Жоғарғы тіреу пішінбілігін жастығымен қоса теңдестіруді тұғырлар аралығындағы жоғарғы маңдайшаға орналасқан гидравликалық цилиндр (d = 350 мм, жүрісі 350 мм) арқылы іске асырылады. Орнақтың жұмыс істеп тұрған кезінде цилиндрдегі сұйықтық қысымы 10 МПа; тіреу пішінбіліктерін жастығымен қосқандағы жиынтығын ауыстыру кезінде(массасы 110т) май қысымы 20 МПа дейін жоғарылайды (көтеру күші 1836 кн).

Жұмыс пішінбіліктері қуаттылығы 4000/3600/2700, n=145-240/320 айн/мин ПБК 215/95 типті тұрақты тоқты электрқозғалтқышымен максималды бурау моментін (0,4 мн.м) беретін тістегеріштік қапас әмбебап айналдырық арқылы жетектеледі. Илемдеу кезіндегі пішінбілікке түсетін ең үлкен күш 18 МН.

Диаметрі 440 мм, бұранда адымы 10 мм басқыш бұрамалар глобоидты редуктор арқылы екі электрқозғалтқыштан (электрмагнитті муфта арқылы бір-бірімен қосылған) айналыс алады; бұрамалардың қозғалыс жылдамдығы 0,25 мм/с.

Пішінбіліктердің екі жағынан жазық өткізгіш үстел орнатылған, олар пішінбіліктерге тілкемнің алдыңғы ұшын түзу бағыттап беру үшін және илемдеу кезінде артқы жағына керіліс туғызу үшін (тілкем орағыштағы орамдықтан толық тарқатылып болғанда) қоданылады.

Илемделген орамдықты орағыш атанағынан шығарып алған кезде тіреуіш кронштейн гидравликалық цилиндр көмегімен шетке қарай қайтарылады. Қапастың жалпы массасы 402 т.

Үздіксіз сымтарту орнағының жұмыс қапастары. Түсті металдар мен болаттан сым илемдеуге сымтарту орнағының тазалай өңдеу қапастары желісінде әрбір жұмыс қапасында катанка бір илемделеді. Илемдеу жылдамдығы 10-40 м/с жетек қуаттылығы 100-600 кВт болған кезде пішінбіліктерге түсетін күш шамасы көп емес (30-50 кН).

Катанка пішінінің дәлдігі жоғары болуын қамтамасыз ету үшін екі пішінбіліктің (үстіңгі және астыңғы) шеңберлік жылдамдықтары синхронды болуы қажет. Синхронды айналуды қамтамасыз етудің тиімді тәсілінің бірі электрқозғалтқыштан берілетін айналыстың пішінбіліктің біреуіне ғана берілуі; металды илемдеу барысында екінші пішінбіліктің айналу жылдамдығы әрқашан жетекші пішінбілік жылдамдығына тең болады. Металдың пішінбіліктермен қарпылу жағдайын жақсарту үшін екінші пішінбілік шағын қосымша қозғалтқыш арқылы айналдырылады (қуаты 5÷10 кВт, айналу жылдамдығы 1000-4000 айн/мин).

 

Сурет 19.3 - Үздіксіз сымтарту 250 орнағының жұмыс қапасының сұлбасы

 

Сонымен, бос жүріс кезінде (металдың қарпылуына дейін) екі пішінбілікте жетекті болады. Металл пішінбіліктермен қарпылғаннан кейін негізгі деформация жұмысын қуаттылығы үлкен бас қозғалтқышпен жетектелетін пішінбіліктің біреу ғана атқарады; екінші қозғалтқыш бұл кезде қозғалтқыштық немесе генераторлық режімде жұмыс істейді. Пішінбіліктер суйық үйкелестімойынтірекке қондырылған үстіңгі пішінбілік жастығында серіппелі теңдестіргіш қолданылады. Орнақ тұғыры үстіңгі және астыңғы маңдайшалардан және басты электроқозғалткышты бекітетін ернемектен тұратын болат моноблок болып жасалған.

Астыңғы пішінбілік жастықтары тұғырға бүйірлік тақтайшамен орнықтырылған; үстіңгі пішінбілік жастықтары рычагты-жұдырықшалы механизм мен қапастың жоғары жағындағы көлденең бұрамалы тартпа көмегімен осьтік бағытта реттеле алады. Басқыш бұрамалар вертикаль ернемекті қозғалтқыштармен червякты беріліс арқылы айналдырылады: бұрамалардың қозғалу жылдамдығы 0,1-0,2 м/с.

Жұмыс қапасы қорап тәрізді тақтайға бекітілген; пішінбіліктер мөлшерлегішін (калибр) илемдеу осьі бойынша орналыстыру үшін жұмыс қапасы червякты-бұрамалы механизм көмегімен тақтай бағыттауыштары бойымен жылжытылады.

Пішінбіліктерді ауыстыру ауыстырылатын жинақтан қапасқа тұтастай жүргізіледі.

Әдебиеттер:нег. 1 [140-147], 2 [314-350], 4 [210-298]; қос. 2 [191-260].

Бақылау сұрақтары:

1. Жаншығыш және сортты орнақтардың жұмыс қапастарының атқаратын міндеті мен қысқаша сипаттамасы. Құрылымдық ерекшеліктері.

2. Суықтай илемдеуге арналған орауышы бар реверсті илемдеу қапасының құрылым мен қысқаша сипатамасы қандай?

3. Астыңғы пішінбілігі жетекті жұмыс қапастарының құрылымдық ерекшеліктері неде?

4. Көппішінбілікті жұмыс қапастарының сипаттамасы.

5. Блюминг 1500 жұмыс қапасының құрылымы.

20-дәріс. Әртүрлі илемдеу орнақтарына қысқаша сипаттама

Қаңылтырды суықтай илемдеуге арналған алты қапасты орнақ. Қарағанды металлургия комбинатында (қазіргі Митталл-Стил) бұрынғы КСРО-да қаңылтырды шексіз суықтай илемдеуге арналған жалғыз 600/1400×1400 алты қапасты үздіксіз орнағы қондырылған. Бұл орнақтың шығаратын өнімі қалыңдығы 0,1-0,6 мм, ені 700-1250 мм қаңылтыр болып табылады. Ол қалыңдығы 1,8-2,5 мм аз көміртекті (0,08-0,1%С) ыстықтай илемделген болат тілкем, оралған орамдық массасы 30т дейін, илемдеу жылдамдығы 18-30 м/с (тілкем қалыңдығына сәйкес).

Илемдеу процесі екі тәсілмен жүзеге асуы мүмкін:

а) ыстықтай илемделген жеке орамдықты илемдеу (үзілмелі процесс);

б) бірнеше орамдықты ыстықтай илемделген тілкемдерді бір-біріне пісіріп жалғай отырып үздіксіз ұзақ уақыт илемдеу (шексіз илемдеу). Бұл тәсіл жаңа болып саналады және мынадай артықшылықтары бар: ұзақ уақыт бойы илемдеу процесінің тұрақтылығы, илемделген өнім сапасының жоғарылығы (ұзындығы және ені бойынша әр түрлі қалыңдылықтың азаюы), пішінбіліктер шығынының (тозуының) кемуі, илемдеу процесін толық кешенді автоматтандыру мүмкіндігінің болуы және орнақ өнімділігінің артуы.

 

1-орам тарқатқыштар; 2-түзеткіш машина; 3-электрлі түйістіруші машина; 4-бағыттауыш роликтер; 5-арбашадағы тартқыш роликтер; 6-беріп тұратын роликтер; 7-орамтартқыш (үзілмелі процесс үшін); 8-гильотин қайшысы; 9-бағыттауыш үстелдер; 10-жұмыстық қапастар (төрт пішінбілікті 600/500×1400); 11-тартқыш роликтер; 12-айналмалы қайшы; 13-орауыштар; 14-қалыңдық өлшегіш; 15-керілісті өлшегіш.

Сурет 20.1 - Қаңылтырды «шексіз» илемдейтін алты қапасты орнақ 1400 сұлбасы

Илемдеу процесінің ұзақ мерзім үздіксіз жүруін қамтамасыз ету үшін орнақтың бас жағында орамдықтардың ұштарын бір-біріне түйістіріп пісіруге арналған машина қондырылған; пісіру кезінде илемдеу процесі тоқталмайды, тілкемді жерасты жинақтауышынан алады; одан ары қарай орамтартқыш жылдамдығы артып, жинақтауыштағы тілкем қоры (400м) қалпына келеді.

Орнақтың соңғы қапасынан шығатын үздіксіз қозғалыстағы жұқа тілкем даңғырлы айналмалы қайшысымен қырқылып, екі орауышпен (кезек-кезек) қажетті массаға дейін орамдық жасап оралады. Орамдықтар жіңішке таспамен байланып, шынжырлы тасымалдағыш көмегімен босаңдауға жіберіледі және содан соң екі қапасты орнаққа жаттықтыруға және өте жұқа қаңылтыр илемдеуге жіберіледі (0,08мм-ге дейін).

Орнақтың орташа өнімділігі-800 мың т/жыл. Механикалық жабдықтың массасы-6000т.

Вакуумды орнақ. Қиын балқитын олардың қорытпалары және биметалдар 500-600С жоғары температурада тез тотығып, газдармен (О,N,Н және т.б.) қанығады, бұл металдың физика-механикалық қасиетін төмендетеді. Көпшілік жағдайларда мұндай металдар мен қорытпаларды тотығу мен газбен қанығуды сақтайтын арнайы шаралар қолданбай атмосферада ыстықтай илемдеу мүмкін емес. Мұндай мәселенің басты шешімі болып ыстықтай вакуумда немесе инертті газдар (Аr, Не) ортасында жүргізу.

1-итергіштер; 2-вакуумды құлып-қақпалар; 3-арбашада орналасқан пештік вакуум камера; 4-манипулятор; 5-жұмыстық вакуум камера; 6-металды пішінбілікке беру механизмі; 7-жұмыстық қапас

Сурет 20.2 - Вакуумды орнақ 300:

ВНИИметмаш жобалаған вакуумды илемдеу орнағы қиын балқитын металдар мен қорытпаларды 17000С температурада вакуумда (немесе инертті газдар ортасында) реверсті ыстықтай илемдеуге арналған. Дайындаманың бастапқы өлшемдері: h=25 мм, В=200 мм дейін, ұзындығы 500 мм дейін; тілкемнің ақырғы өлшемдері; қалыңдығы 1 мм дейін, ұзындығы 750 мм дейін, ал ені өзгеріссіз.

Орнақ екі пішінбілікті жұмыс қапасынан тұрады, пішінбілік диаметрі 400 мм және бөшке ұзындығы 300 мм; пішінбілік қуаты N=70кВт (n=540 айн/мин) тұрақты токты электрқозғалтқыштан, үш сатылы біріктірілген редуктор-тістегеріштік қапастан (жалпы беріліс саны i=2,54×3,95×4,5×1,0=45) және әмбебап айналдырықтан жетектеледі; жалпы көлемі 3,2м3 қос вакуумды камерадан және камерада вакуум тудыратын жүйеден (вакуумдық сораптар) тұрады. Илемдеу жылдамдығы 0,1-0,5 м/с.

Вакуумды кеңістік екі камерадан тұрады-жұмыстық және пештік, олар өзара вакуумды құлып-қақпалармен жалғасқан. Жұмыстық камера жұмыс қапасының станиналары аралығында (яғни жұмыс қапасының ішкі жағында) орналасқан және қапаспен ортақ тақтайға бекітілген; пішінбіліктер бөшкесі камераның ішінде қалады; камераның қымтылуы пішінбіліктер мойыншасына кигізілетін арнайы вакуумды резеңкеден жасалған қымтағыш сақиналары бар ернемек (фланец) арқылы жүзеге асырылады, олар жастықша шеті мен камера қабырғасы аралығына орналасқан. Камера ішіндедайындаманы пішінбіліктерге беріп тұруға және бұруға арналған иінтіректі (рычагты) құрылғы орналасқан, сонымен қатар пішінбілікті қыздырғыштар бар.

Құймакесексіз илемдеу агрегаттары. Агрегат БП-8×1600 қалыңдығы 8мм, ені 1600 мм дейінгі алюминий тілкемін құймакесексіз тікелей сұйық металдан илемдеу үшін арналған.

Сұйық металл шамамен 6800С температурада миксерден аралық ваннаға 1, одан ары шегенделген металл өткізгіш 2 бойымен саптама 3 арқылы пішінбіліктерге 4 астыңғы жақтан үздіксіз беріліп тұрады. Металды кристалдану аймағына (пішінбіліктер арасына) берудің мұндай тәсілі (сифонды) металды ауадағы оттекпен тотығудан сақтайды. Пішінбіліктер арасындағы саңылауда пайда болатын металл қабығы пішінбіліктермен жаншылады; жоғары қарай шыққан тілкем Б 5000С шамасында бағыттаушы роликтер 6 көмегімен түзеткіш машинаға 7 беріліп, одан ары қарай дискілі қайшымен 8 тілкемнің бүйір жиектері қырқылады, ал көлденең қайшымен 9 алдыңғы тегіс емес ұшы қиылады; аралық роликті үстелде 10 тілкем суытылады және түзеткіш машинадан 11 өткен соң орауышқа 12 жіберіліп, онда массасы 30т дейінгі орамдықтар жасалады.

Тілкемнің пішінбіліктерден шығу жылдамдығы-1,5 м/с дейін, агрегат өнімділігі-1,5 т/сағ дейін; жабдық массасы-160 т, агрегат ұзындығы-22м.

Құймакесексіз илемдеуге арналған орнақ жұмыстық қапастан тұрады, оның горизонталь пішінбіліктері екі әмбебап айналдырықпен қуаты 80 кВт тұрақты токты электрқозғалтқыштан редуктор мен тістегеріштік қапас арқылы айналысқа түседі. Пішінбіліктер құрсауланған, құрсауды суытып тұру үшін пішінбілік ішіне үнемі су беріліп тұруы қажет.

1-аралық ванна; 2-металл өткізгіш; 3-саптама; 4-пішінбіліктер (суытылатын); 5-тілкем; 6-бағыттауыш роликтер; 7-түзеткіш машина; 8-дискілі қайшы; 9-көлденең айналмалы қайшы; 10-аралық роликті үстел; 11-түзеткіш тарту машинасы; 12-орауыш.

Сурет 20.3 - Алюминийді құймакесексіз илемдеу агрегаты

Пішінбіліктер жастықшасында қапастың бір шетінде гидравликалық басқыш құрылғысы бар. Саңылаулы саптамасы бар металл өткізгіш жоғары қарай көтеріліп пішінбіліктер бетіне тығыз кептеледі. Орамдықтан ораманы алғанда және гильзаны оратқанда илемдеу процесі тоқтатылмайды: пішінбіліктерден шығатын тілкем үлкен ұзақ болып қалыптасуы және ол тұрақты реттегішпен бақыланады. Әдетте цехта 6-8 агрегатқа дейін орнатылады.

Планетарлы орнақ. Планетарлы орнақтарда жетекші екі тіреу пішінбіліктерінің айналасында астыңғы және үстіңгі планетарлы роликтер айналып тұрады, олардың мойынтіректері синхронды айналатын бүйірлік құрсамаларға (сепараторға) орнатылған. Сонымен, пішінбіліктер сұлбасы сырттай, сыртқы сақинасы жоқ кәдімгі цилиндрлі роиликті мойынтірекке ұқсас, сыртқы сақина қызметін деформацияланатын металл атқарады (оның горизонтальды жылдамдығы өте аз). Диаметрі шағын әрбір жұмыс ролигі (планетарлы) тек металдың жұқа қабатын ғана (0,2-0,4мм) сына доғасының айналасында деформациялай алады, бірақ уақыт бірлігі аралығында деформация аумағынан бірнеше роликтер жұбы (50-100жұп/мин) өтетіндіктен металдың бір өтпе кезіндегі жиынтық деформациясының мәні өте жоғары болып келеді: жаншылу 90-95 %-ке дейін, ұзару 10 – 20 % жетеді; Қарапайым орнақтарда мұндай деформация дәрежесін алу үшін 8 – 15 өтпе жасау қажет болар еді.

Үстіңгі және астыңғы планетарлы роликтердің синхронды айналуын қамтамасыз ету үшін олардың бүйір құрсамаларына тісті тәж орнату қарастырылған, олар іліністе болады және жетектермен жабдықталған. Сонымен, тік жазықтықта тіреу пішінбіліктерінің центрі арқылы, белгілі уақыт аралығында бір жұп роликтер (біреуі үстіңгі және екіншісі астыңғы) қиып өтеді.

 

 

1-планетарлы роликтер; 2-жетекші тіреу роликтер; 3-әперіс роликтер; 4-қыздыру пеші; 5-бастапқы қалың тілкем; 6-түйісу жері (тілкемнің пісірілген жері); 7-бағыттауыш өткізгіштер; 8-кергіш ролик; 9-тегістегіш білікше; 10-орағыш.

Сурет 20.4 - Планетарлы орнақ

Әдебиеттер:нег. 1 [148-153], 2 [314-350], 4 [210-298]; қос. 2 [191-260].

Бақылау сұрақтары:

1. Үздіксіз алты қапасты орнақтың құрылымдық ерекшеліктері неде?

2. Планетарлы орнақтардың құрылымдық ерекшеліктері.

3. Вакуумды илемдеу орнақтарын қолдану ерекшелігі неде?

4. Құймакесексіз илемдеу арегаты дегеніміз не?

5. Планетарлы орнақтың кемшіліктері қандай?

21-дәріс. Құбыр илемдеу орнақтары

Суықтай құбыр илемдеу орнағы. Құбыр илемдеу агрегаттарында диаметрлері 75 мм дейінгі, қабырғасының қалыңдығы 2,5-3 мм аспайтын жіксіз құбырларды ыстықтай илемдеу әдісімен алуға болады. Одан ары қарайғы ыстықтай редукциялау арқылы құбыр диаметрін 35 – 38 мм дейін, ал редкциялауды керіліспен жүргізгенде 17 – 20 мм дейін кішірейтуге болады. Бірақ ыстықтай илемдеу жолымен беттері таза өңделген, геометриялық дұрыс пішінді және өлшемдерінің шақтамалық мәндері төмен құбыр алу мүмкін емес. Мұндай нәтижеге суықтай илемдеу орнақтарында және суықтай құбыр сымдау орнақтарында қол жеткізуге болады.

Қазргі кезде суықтай илемдеу және суықтай сымдау жолымен диаметрлері 0,3-150 мм, қабырғасының қалыңдығы 0,1 мм дейінгі жұқа қабырғалы құбырлар алады; кейбір жағдайда диаметрі едәуір үлкен (250-450 мм) құбырлырды суықтай илемдеуге де қолданады. Суықтай илемдеу мен сымдауға негізінен жіксіз құбырлар қолданылады.

Құбырларды суықтай илемдеу орнақтарын (ҚСИ) кезеңді (пильгерные) деп те айтады, өйткені олар құбырды оның ұзындығы бойында жекелеген учаскелермен (кезеңдермен) илемдейді (9.7 – сур.). Суықтай илемдеу орнағының барлық басқа орнақ типтерінен ерекшелігі оның жұмыс қапасы қосиінд-бұлғақты механизм көмегімен қайтымды-ілгерілемелі қозғалыс жасайтындығында. Осы кезде пішінбіліктер конусты құралбілікке кигізілген құбырмен домалатылады. Жұмыстық қапас алдыға қарай жүргенде пішінбіліктер берілген құбыр бөлігін сығымдап, диаметрі мен қабырға қалыңдығын кішірейтеді. Жұмыстық қапас жүрісінің соңына қарай құбыр шамамен 600 бұрышқа бұрылып, кері қайтқанда пішінбіліктер кедірбұдырлықтарды тегістеп өтеді.