Домалау мойынтіректері 1 страница

Домалау мойынтіректері табақты ыстықтай және суықтай илемдеуге арналған төртпішінбілікті қапастарда, сонымен бірге дайындамалы және сортты орнақтарда кеңінен қолданылады. Әсересе конусты роликті (екі және төрт қатарлы) мойынтіректер жиірек кездеседі, өйткені олардын өздігінен орнықтырылу қасиеті бар және өте үлкен жүктемелерге шыдайды.

Илемдеуші орнақтардың мойынтіректері үлкен жүктемелерді қабылдай алуы және габариттері пішінбілік жастығына орналастырылатындай болуы қажет. Көпшілік жағдайда төртпішінбілікті қапастарда СҮМ-ді тіреуші пішінбіліктерге орнатады, ал жұмыс пішінбіліктері өзінің габариттің кіші болуына және түсірілетін жүктеменің шамалы ғана болуына сәйкес оларға конусты роликті мойынтіректер орнатылады.

Мойынтіректі шаңнан сақтау үшін жастықта мойынтіректің екі жағынан қамтағыштар (севанитті) қою қарастырылған. Мойынтіректің жекелеген элементтерін мойынша мен тұрқыға жинастыру барысында мойынтірек бөлшектерінің орналасу ретін таңбалауына байланысты сақтау керек. Егер мойынтіректің аралық сақинасы өз орнына қондырылмаса роликтер қатарының аралығында «осьтік ойын» пайда болып, жүктеменің төрт қатарға бірдей бөлініп берілуі бұзылады.

СҮМ мойынтірегінің басты бір кемшілігі бар, ол шетмойынның (цапфаның) айналу жиілігінің өзгеруімен майлы сынаның қалыңдығы қоса өзгеріп илемнің қалыңдығына кері әсерін тигізеді (тілкемнің қалындығы біркелкі болмайды).

Өте жоғары дәлдікпен жасалатын цилиндрлі роликті мойынтіректерде мұндай кемшіліктер болмайды, сондықтан соңғы жылдары жұқа тілкемді ыстықтай және суықтай илемдейтін орнақтардың жұмыс пішінбіліктеріне ғана емес сонымен бірге тіреу пішінбіліктеріне де (СҮМ-нің орнына) цилиндрлі роликті домалау мойынтіріктерін қолдану жүзеге асырыла бастады.

Жылуды шығару және көтергіштік қабілетін арттыру мақсатында домалау мойынтіректеріне сұйық май жіберу немесе майлы тұман тәсілімен (майды ауа араластырып бүрку) майлау қажет. Майлы тұманмен майлау кезінде май шығыны қою маймен салыстырғанда 15 есеге кемиді. Майлы тұманмен майлау тәсілін сонымен қатар әмбебап айналдырықтардың топсаларын (домалау және сырғанау), жұмыс қапасы тұғырының бағыттауыш тақтайшасын, басқыш механизмнің бұрама жұбын және т.б. қолданған тиімді.

Әдебиеттер:нег. 1 [58-72], 2 [64-78], 3 [58-75]; қос. 5 [64-70].

Бақылау сұрақтары:

1. Илемдеу орнағының мойынтіректерінің ерекшелігі қандай?

2. Илемдеу орнақтарының әртүрлі мойынтірек типтеріне қысқаша сипаттама.

3. СҮМ-нің құрылымы.

4. Сырғанау мойынтіректерінің негізгі кемшіліктері қандай?

5. Сұйықтықта үйкелу мойынтіректерінің жұмыс принципі.

6. Мойынтірек торабын майлаудың қандай ерекшеліктері бар?

 

8-дәріс. Пішінбіліктерді теңдестіріп орнықтыруға арналған механизмдер мен құрылғылар

Илемдеу процесі қалыпты өту үшін жұмыс қапасындағы пішінбіліктер белгілі бір қалыпта орналасуы керек. Ол үшін әрбір жұмыс қапасында мынадай механизмдер мен құрылғылардың жұмыс істеуі қарастырылған:

а) пішінбіліктерді тік бағытта жылжытып орналастыру (басқыш механизм);

ә) пішінбіліктерді ось бойымен орналастыру;

б) жоғарғы пішінбілікті теңгеру.

 

Басқыш механизмдер.

Пішінбіліктерді тік жазықтықта орналастыру басқыш бұрамасымен жабдықталған арнайы механизм көмегімен жүзеге асырылады.

Барлық табақты, тілкемді және жаншу орнақтарында астыңғы пішінбілік жастығымен және мойынтірегімен бірге жұмыс қапасында қозғалыссыз тұрақты орнатылады. Сондықтан пішінбіліктер арасындағы арақашықтық үстіңгі пішінбілікті басқыш құрылғысымен жылжыту арқылы реттеледі. Төрт пішінбілікті табақты орнақтарда белгіленген қалыңдықты алу үшін жаншылуға қажетті түзетулер орнақ тоқтатылмай-ақ жасалады, сондықтан үстіңгі пішінбіліктің басқыш механизмі илемдеу процесінде пішінбіліктерге әсер ететін толық күшті жеңуге есептелуі қажет. Екі және үш пішінбілікті сортты орнақтардағы пішінбіліктердің орналасу қалпы илемдеу барысында өзгермейді, өйткені пішінбіліктер арасындағы арақашықтық орнақты дәлдеу кезінде мөлшерлеуге сәйкес алдын-ала анықталып орнатылады. Сортты орнақтарда илемдеу тізбегін белгілі бір анықталған деңгейде ұстап тұру үшін үстіңгі және астыңғы пішінбіліктің де жылжу мүмкіншілігі қарастырылған. Үстіңгі пішінбілік қалпы металдың пішінбіліктер аралығынан әрбір өткен сайын өзгеріп отыратын орнақтарда (блюмингтер, слябингтер, қалың табақты орнақтар және т.б.) пішінбіліктің жылжуы металдың өтуі аралығындағы үзілістерде жүзеге асырылады. Бұл жағдайда пішінбілікті орналастыру уақытын қысқарту үшін үстіңгі пішінбіліктің жылжуы жоғары жылдамдықпен жүргізілуі керек (мысалы блюмингтерде 250 мм/с дейін). Бірақ, жұқа табақты металды илемдеуге арналған кейбір орнақтарда үстіңгі пішінбіліктің жылжу жылдамдығы пішінбіліктерді белгілі бір қалыпқа орналастыру дәлдігіне байланысты шектеледі, сондықтан бұл жылдамдық өте аз болуы (0,1 мм/с) қажет. Басқыш бұраманың жылжу жылдамдығы сонымен қатар пішінбілікті орналастыру кезінде жүретін арақашықтыққа да (жол ұзындығы) тәуелді. Бұл жол жаншу орнақтарында табақты және жұқа табақты орнақтарына қарағанда едәуір үлкен. Сондықтан жаншу орнақтарының басқыш бұрамаларының жылжу жылдамдығы табақты орнақтарға қарағанда едәуір жоғары болып келеді.

Орнақ типіне байланысты басқыш механизмдері жылдам жүрісті және баяу жүрісті болып келеді. Көпшілік жағдайда II-типті басқыш механизмі жетегінің сұлбасы жиі кездеседі.

а

ә

а- I-типті кинематикалық сұлба; ә-II-типті кинематикалық сұлба.

Сурет 8.1 - Блюминг 1150 басқыш механизмінің кинематикалық сұлбасы

Қазіргі заманғы блюмингтер басқыш механизмдерінде тез тозатын червякті берілістің (түсті металдан жасалған червякті дөңгелегі бар) орнына фланецті қозғалтқышпен жүргізілетін цилиндрлі тісті беріліс қолданылады. Цилиндрлі берілістің пайдалы әсер коэффициенті өте жоғары болып келеді. Басқыш бұрамалардың жеке-жеке қорғалуы үшін аралық шестернялар гидравликалық цилиндрлер арқылы көтеріліп, орталық тісті дөңгелекпен ілінісуі ажырайтындай болып жасалған.

Басқыш бұрамалар мен сомындар. Басқыш бұрама илемдеу кезінде пішінбілік мойыншасының біреуіне шақ келетін күшті қабылдап, оны басқыш сомын арқылы тұғырға береді. Басқыш бұраманың өкешелігінің үйкеліс беті сфералық пішінді болып жасалған, ол басқыш бұраманың пішінбілік жастығында өздігінен жеңіл орнығуына мүмкіндік береді.

Блюмингтер мен слябингтердің қалыңтабақты орнақтардың қаралай өңдеу қапастарында сфералық өкшелікті бұрама диаметріне қарағанда үлкенірек қылып жасайды. Теория бойынша бұранда сызығының көтерілу бұрышы 20 301 аспағында бұрама-сомын жұбында өздігінен тежелу орын алуы керек, бірақ блюмингтер мен слябингтерде динамикалық жүктемелердің әсерінен басқыш бұраманың «босаңсуы» байқалады. Осыған орай өздігінен бұралып босауды болдырмау үшін бұраманы қою маймен майлайды және өкшелік диаметрі мен сфералы өкше өлшемін үлкейтеді.

Табақты орнақтар үшін басқыш бұрамаға майда бұранда салады және көтерілу бұрышының шамасын аз қылып алады (<10), сондықтан оның өздігінен бұралып босаңсуы орын алмайды. Үйкеліске кететін шығынды азайту үшін сфералық өкше ұшына қою май беріледі.

1-күпшегі бар шлицті қосылыс; 2-басқыш бұранда; 3-басқыш сомын; 4-тұғыр; 5-бекіткіш бүйір тақтайшалар; 6-өкше; 7-өкшелік; 8-сұққыш; 9-бүйіржақ кілтек.

Сурет 8.2 - 2500-орнағының басқыш бұрамасы мен сомыны

 

Басқыш бұраманың сомындары аса тез тозатын бөлшектер қатарына жатады. Оларды АЖ9-4, АЖМ4 10-3-1,5 маркалы құйма қоладан жасайды. Қоланы үнемдеу үшін басқыш сомында құрамалы қылып жасаған жөн.

а-төрт сатылы құрсауланған сомын (УЗТМ); б-болат гильзалы сомын («Азовсталь» заводы).

Сурет 8.3 - Басқыш бұрама сомынының конструкциялары

 

Сыртқы құрсауларын аса берік шойыннан жасайды. Бұл шойынның серпімділік модулі өзінің шамасы жағынан қоланың серпімділік модульіне жуық болғаннан соң сығылу кезінде шойын мен қоланың деформацичлануы бірдей. Кейде қола құйманы сатылы болат құрсауға қолданады, бірақ мұндай тәсілде қоланың құрсауға толық жанасылушылығы орын алады(«Азовсталь» заводы). Кейбір жағдайда сомынды екі жарты болаттан оралып, қола электролитпен бұрандасы қаптастырылып жасалады. Құрсауланған сомындарды сумен салқындату олардың бұрандаларының тозуын төмендетеді.

Бұрама-сомын жұбының сұйық маймен майлануы барысында бұранда тозуы 1,5-2,0 есе қою маймен салыстырғанда төмен болатынын практика көрсетіп отыр.

Сұйық маймен майлау жағдайында май бұраманың бұрандасы бойымен ағып отырып, өкшелікке барады да одан жалпы айналымды май жүйесіне жіберіледі. Бірақ сұйық майды қолдану басқыш бұраманың өздігінен бұралып босауына алып келеді. Қою майды қолдануда ол кері қайтпай шығындалып отырады.

Бұралудан сақтау үшін тұғыр ойығында сомынды астынан бүйір жақ тақтайшалар көмегімен бекітеді.

Басқыш бұрама орталық шестерняның немесе червякты дөңгелектің күпшегінде (беріктігі жоғары шойыннан жасалған) айналып тұрады және тік бағытта қозғалады. Басқыш бұраманың жоғарғы ұшын квадрат пішінді қылып (жаншығыш орнақтарда) немесе шлицтері бар цилиндрлі қылып (табақты орнақтарда) жасайды.

Басқыш бұрамалар мен сомындар бұрандасының екі түрі болады:

- таянышты бір жүрісті (трапециялы). Бұранда адымын (майда, қалыпты немесе ірі) МЕСТ 3398-74 бойынша таңдап алады.

- екі жақты трапециялы.

 

Сурет 8.4 - Басқыш бұрамалар мен сомындардың пішіндері

 

Бұл бұранда пішіні (беріктігі жоғары) илемдеу кезінде аса үлкен күштерді қабылдайтын суықтай илемдейтін жұқа табақты орнақтардың басқыш бұрамалары мен сомындарында қолданылады.

Әдетте басқыш бұрамаларда бір кірмелі бұранда, ал тек жылдам жүрісті блюмингтердің басқыш механизмдерінде екікірмелі бұрандалар қолданылады. Бұранда беттерінің шыдамдылығын арттыру үшін оларды шынықтырады және ажарлайды.

Бұрама үшін

мұндағы d1- бұрама бұрандасының ішкі диаметрі;

Y-илемдеу кезіндегі бұрамаға әсер ететін ең үлкен күш;

[σ]-болат 5, 40Х, 40ХН үшін сығылудағы шақтамалы кернеу;

σВ – 600-750 МПа (бесеселенген қорды ескергенде);

[σ] = (150÷120) МПа.

Басқыш бұраманың есептік диаметрі МЕСТ 3968-74 сәйкестендіріледі. Басқыш сомынның сыртқы диаметрі D мен оның биіктігін Н әдетте мына қатынастан таңдайды:

D=(1,5-1,8) d0 ; Н = (0,95-1,1) D

Гидравликалық және гидромеханикалық басқыш механизмдер. Илемдеу барысында жайманың қалыңдығын өлшеуді микрометрлер көмегімен өлшеп қана қоймайды, сонымен қатар басқыш бұрама астында қондырылатын месдоза көмегімен бақыланып отыратын илемдеу күшінің ауытқуы бойынша да анықтауға болады. Бұл аспаптардың көрсеткіштерін бойлық ала қалыңдылықты азайту мақсатында қалыңдықты автоматты реттеу жүйесінде (ҚАРЖ) қолдануға болады. Мұндай реттеу (автоматты) басқыш бұраманың электрқозғалтқышты қосу және ажырату жолымен жүргізіледі.

Бұл механизмдер жоғары қарқындылығымен ерекшеленеді (30 м/с дейінгі жылдамдықта 0,5 – 1,0 секундқа кешігу қалыңдығы бойынша 30 метрге дейінгі табақты металда ақаулық туғызады).

ҚАРЖ-дың тезәрекеттігін арттыру гидравликалық (басқыш бұрамасыз және олардың электржетегінсіз) және аралас (гидромеханикалық) басқыш механизмдерін пайдалану арқасында жүзеге асырылады.

Әдебиеттер:нег. 1 [73-86], 2 [80-95], 3 [76-84]; қос. 5 [71-80].

Бақылау сұрақтары:

1. Басқыш механизм қандай қызмет атқарады?

2. Басқыш бұрманың қандай типтері болады?

3. Пішінбіліктерді белгілі бір қалыпта орналастыру үшін қандай механизмдер құрылғылар пайдаланылады?

4. Басқыш бұрама мен сомындар қандай материалдардан жасалады?

5. Гидромеханикалық басқыш механизмнің ерекшелігі неде?

 

9-дәріс . Пішінбіліктерді теңгеруге арналған құрылғылар

Илемдеу орнағының қалыпты жұмыс істеуі үшін үстіңгі пішінбілік жастықшасы басқыш бұрамаға тығыз қыспақталуы қажет, әйтпесе илемдеу кезінде динамикалық жүктемелер (соққылар) туындап, жаншу шамасын дұрыс берге мүмкіндік болмайды.

Аталған кемшіліктерді болдырмау мақсатында барлық жұмыс қапастарында үстіңгі пішінбілік пен оның жастықшасын теңдестіріп тұруға арналған анайы құрылғыны пайдалану қарастырлған. Мұндай құрылғылар арқыла үстіңгі пішінбілік жастықшасы басқыш бұрама ұшына әрдайым тығыз қыспақталып тұрады және пішінбілік мойыншасы мен басқыш сомын қосылысында саңылау болмайды.

Үстіңгі пішінбілікті теңгеру үшін теңгермесалмақты, гидравликалық және серіппелі құрылғылар қолданылады. Теңгермесалмақты теңгеру (Сурет 9.1) үстіңгі пішінбілікті үлкен биіктікке (блюмингтер мен слябингтерде 2000 мм дейін) жылжыту кезінде қолданылады. Бұл құрылғы құрылым қарапайым және пайдалану барысында сенімді. Әйтсе де мұндай құрылғылардың өзіне тән мынадай кемшіліктері бар: теңгеруші салмақтың үлкен массасының инерциясы жүйеде динамикалық жүктеме тудырады; теңгеруші салмақтары бар үлкен иінтіректерді орналастыру үшін жұмыс қапасының астындағы іргетастың жасалуын күрделілендіреді; пішінбілікті басқыш механизмге тәуелсіз жылжыту мүмкіндігінің болмауы.

1-үстіңгі пішінбілік; 2-астыңғы пішінібілік; 3-раскат; 4-басқыш бұрама; 5-жастық; 6-қарнақ; 7-жүк; 8-иінтірек.

Сурет 9.1 - Теңгермесалмақты теңгеру сұлбасы

 

Гидравликалық теңгеру (5.30 – сур.) үстіңгі пішінбіліктің көтерілу биіктігі үлкен болғанда (жаншығыш орнақтарда) және пішінбіліктер арасындағы саңылау аз болған жағдайда (төртпішінібілікті орнақтард) да қолданыла береді. Оларда теңгермесалмақты теңгергішке тән кемшіліктер болмайды, шусыз, дүрсілсіз жұмыс істейді және габариттік өлшемдері шағын, әрі орнақтың жұмыс барысында оңай басқарылады. Жұмыстық сұйықтық ретінде майлы-су эмульсиясы немесе веретенді май қолданылады (илемдеу цехының орналасу ауданына байланысты).

Бұл жүйенің кемшілігіне теңгергіш цилиндрін нәрлендіріп тұруға арналған сорғы-аккумуляторлы станция орнату қажеттігін жатқызуға болады. Бірақ көптеген илемдеу цехтарында мұндай станция гидравликалық теңдестіруші құрылғыны қолданбаса да орнатылады (басқа да технологиялық мақсаттар үшін). Сондықтан бұл кемшілік аса маңызды емес.

Гидравликалық цилиндр 1 (Сурет 9.2) жұмыстық қапастың жоғарғы жағында орналасқан және орнақ тұрқын жалғастырғыш маңдайшаға бекітіледі. Тығынжылдың 2 жоғарғы бөлігіне маңдайша 2 топсалы бекітілген, оның ұшына тартқыштар 4 ілінген. Тартқыштар үстіңгі пішінбіліктің жасастықшасымен топсалы жалғасқан. Жастықшалардың Г тәрізді құйылмалары бар, олар сонысымен көлденең арқалықтың шеткі бөліктеріне тіреледі.

1- гидравликалық цилиндр; 2- тығынжыл; 3-маңдайша; 4- тарқыштар; 5- көлденең арқалық; 6-жастықша.

Сурет 9.2 - Жоғары жақта орналасқан бір гидроцилиндр көмегімен үстіңгі тіреуіш пішінбілікті гидравликалы теңгеру:

 

Үстіңгі пішінбіліктің жылжытылуы азғантай болған жағдайда (дайындамалық, сортты, сымтартатын және табақты орнақтарда) үстіңгі пішінбілікті теңгеру үшін қарапайым серіппелі теңгергіштер қолданылады. Бұл теңгеру тәсілі әсіресе теңгерілетін бөлшектер массасы төмен болғанда тиімді.

 

Пішінбіліктерді алмастыруға арналған механизмдер мен құрылғылар

Илемдеу орнағының жұмыс процесінде әртүрлі себептермен (пішінбіілктердің сынуы, тозуы, бір пішіннен басқа пішінге ауысу және т.б.) пішінбіліктерді алмастыру қажет болады. Пішінбіліктерді ақытылы алмастырып тұру, әсіресе жұмыс пішінбіліктерін, жоғары сапалы жұқа табақты илем алуға едәуір әсерін тигізеді. Жұқатабақты орнақтарда жұмыс пішінбіліктерін алмастыру әрбір 2-7 сағатта жүргізіледі.

Пішінбіліктерді алмастыру орнақтың тоқтап тұруымен байланысты, соның нәтижесінде орнақтың өнімділігі төмендейді. Сондықтан пішінбілікті алмастыруды неғұрлым қысқа мерзім ішінде жүргізу керек.

Мысалы, майда сортты орнақтарда кешенді алмасытруды пішінбіліктерге емес, тұтастай жұмыс қапасына жүргізеді. Ол үшін ертерек қосалқы қапастарды стендке баптап, адын-ала дайындап қояды. Қапастың ауысытрылуы кран көмегімен жүргізіледі.

Кейбір сортты орнақтардың ашық типті тұғырлы жұмыс қапасында пішінбіліктерді алмасытру жылдам жүргізіледі. Мұнда тұғыр қақпағы кранмен алынып, жаңа пішінбіліктерді жастықшасымен қондыра салады.

Оған қарағанда жабық типті тұғырлы үлкен жұмыс қапастарының пішінбіліктерін алмастыру қиынырақ. Бұл жағдайда пішінбіліктерді әртүрлі айлабұйымдар көмегімен қапастан горизонталь қалыпта шығарып кранмен көтеріп әкетеді де орнына басқасын қондырады.

Төртпішінбілікті қапастың жұмыс пішінбіліктерін алмастыру жеңілдеу, өйткені жұмыс пішінбіліктерінің жастықшасымен бірге құрайтын массасы шамалы ғана.

Жұмыс пішінбілктерін алмасытруды алмастырғыш муфта-қарсысалмағының көмегімен, С-тәрізді қапсырма немесе арнайы алмастырғыш арбаша көмегімен жүргізуге болады (Сурет 9.3 – 9.5).

1,2 – пішінбіліктер; 3 – алмастырғыш муфта

Сурет 9.3 - Алмастырғыш муфта арқылы пішінбіліктерді алмастыру:

 

Муфтаның 3 шетжақтары пішінбілік трефтерінің диаметріне сәйкес ойықтар бар. Пішінбілікті 1 ауыстырғанда муфта бір жақ шетімен жаңа піәшінбілік 1 трефіне, ал екінші жақ шетімен алмастырылатын пішінбілік 2 трефіне кигізіледі. Бұл әдіс өте қарапайым, бірақ муфта мен пішінбіліктерді айналдырып келтіру үшін өте үлкен бос кеістікті қажет етеді.

Сурет 9.4 - С-тәрізді қапсырма көмегімен пішінбіліктерді алмастыру

 

С-тәрізді алмастырғыш қапсырма көмегімен пішінбіліктерді алмастыру үшін қапсырманың жоғарғы жағында ілгек ілуге арналған құлақшалар, ал төменгі жағында пішінбілік мойыншасына арналған ойық бар. Қапсырманы қолдану кранасты жолының жеткілікті биіктігін қажет етеді.

 

Сурет 9.5 - Жұмыстық пішінбілікті алмастыруға арналған құрылғы

 

Төртпішінбілікті қапастың пішінбіліктерін алмастыруға арналған құрылғы мынадай тораптардан тұрады: 1-арбашадан; 2 – электрқозғалтқыш орнатылған күймешеден (кабельді атанағымен 7); 3 – бағыттауыштардан; 4 – платформадан; 5 – платформа аунақшаларынан. Аунақшалар көмегімен платформа негізгі арбашаға көлденең жылжи алады. Осы кезде платформаға алдын-ала орнатылған жаңа пішінбіліктер жұбы жұмыс қапасының осьіне сәйкестендіріліп, тұғыр терезесіне ендіріледі. Пішінбіліктерді алмастыруға 5 – 7 мин уақыт кетеді. Арбаша рельс бойымен 6 жұмыс қапасынан оңға қарай жылжиды және алмастырылатын пішінбіліктер жиынтығы кранмен әкетіледі. Пішінбіліктер қалақшаларын дәл келтіру үшін пішінбіліктердің айналдырықтар топсалары жағының ұшында айналдырықты бұрап, оны қажетті қалыпқа қоюға мүмкіндік беретін арнайы құрылғы бар.

 

Сурет 9.6 - Гидроцилиндр көмегімен тіреуіш пішінбіліктерді алмастыруға арналған құрылғы

Тіреуіш пішінбіліктерді алмастыру айына 1-2 рет жүргізіледі. Алмастыруды ұзын гидроцилиндр 1 көмегімен жүргізеді, оның соташығының 2 жүрісі 5-6 м. Соташық ұшы астыңғы тіреуіш пішінбілік жастықшасы қойылатын жылжымамен 3 біріктірілген.

Пішінбілік жинағы соташықпен бірге жұмыс қапасынан бүйіржақ бағытымен жылжымалы маңдайшамен 4 шығарылып кранмен әкетіледі. Пішінбіліктердің жаңа жинағы бағыттауыштарға кранмен қондырылып, тұғыр терезесіне соташық көмегімен итеріліп кіргізіледі. Пішінбіліктер жинағын алмастыру опреациясына 15-20 мин. уақыт кетеді. Цилиндрдегі сұйықтық қысымы пішінбіліктерді шығарғанда 20 МПа, ал итеріп кіргізгенде 10 МПа.

Жұмыс қапасының тұғырлары.

Жұмыс қапасының тұғырлары - илемдеу орнағының ең жауапты бөлшектерінің бірі болып саналады. Тұғырға пішінбілік жастықшалары және орнақ өнімділігі мен қажетті илемдеу дәлдігін қамтамасыз ететін басқа да құрылғылар мен механизмдер орнатылады. Илемдеудегі барлық күштер пішінбіліктер, жастықшалар және басқыш механизмдер арқылы тұғырға беріледі. Сондықтан тұғырды құрылымдап жасау кезінде олардың беріктігі мен қатаңдығына баса назар аударылады.